Wetenswaardigheden
De Nuujsjadt en zien eigenaardighede. (2/2)Noa de hoogmës troch men in grote getale mit kruuts en vaane, maagde, Maria en de heemel door de sjtraote. Nao aafloup góng men nao de neudigge cafés veur de verlaore sjweit bie te tappe en den waor 't zoomer kirmës. Sint-Jan woord terloups auch nog bezoch en vereerd.
3. Sint-Maerte kirmës waor vruiger toch anjesj. De jeug góng de waeke van teveure de neudigge sjanse haole. Dees woorte tot ein miet gemaak en op sint-maertesaovent góng men in eine fakkeloptoch achter de sjötterie aan nao de miet veur 't sint-maertesvuur. De fakkele besjtónge oet oetgehaolde kroote. Wie sjoonder en grooter de kroot, wie sjoonder de fakkel. Euver dees kirmës woort vruiger vertëld det die gevierd woort vanwaege det men heivesj koum van de brikke oet 't Pruusjes en meistal woort den 't verke gesjlach.